Sinoda
Ensemen sin la via vers la Baselgia evangelica-refurmada da la Svizra
La sinoda è tenor la constituziun l’organ superiur da la Baselgia evangelica-refurmada da la Svizra BERS. En la sinoda èn radunads actualmain 80 sinodals che represchentan lur 25 baselgias commembras.
Incumbensa da la sinoda
La sinoda è la legislativa da la BERS e decida perquai davart ils princips ed il caracter da la BERS. Quai vul dir ch’ella dat incumbensas al Cussegl e ch’ella evada incumbensas ch’il Cussegl la suttametta. La sinoda formulescha intimaziuns per la vita ecclesiastica e per l’adempliment da las incumbensas ecclesiasticas. Ella determinescha ils champs d’activitad futurs da la BERS e prenda cogniziun da las finamiras da la legislaziun.
La sinoda sa raduna duas giadas l’onn, ina giada da stad ed ina giada d’atun.
Etimologia
Il pled “sinoda” deriva dal grec vegl e signifitga “ensemen sin la via”. Quai demussa ch’en la sinoda da la BERS sa manifestescha in element impurtant dal esser baselgia ensemen da las baselgias radunadas en ella.